НОВИТЕ
конкурс за најдобра дебитантска проза

Книгоиздателството ТЕМПЛУМ
и здружението КОНТРАПУНКТ
распишуваат
конкурс за најдобар прозен дебитантски ракопис

НАГРАДАТА ЗА НАЈДОБРИОТ РАКОПИС
ИЗНЕСУВА 1.000 евра!
(наградата е овозможена од Комерцијална банка)

Конкурсот се распишува прв пат
и е увод во доделувањето на годишната награда на
НОВИТЕ!

Целта на наградата е токму да ги промовира и афирмира новите луѓе, новите тенденции во литературата, новите поетички начела, новиот пристап, новиот начин на организирање во сферата на литературата, новите обиди книжевноста да стане општествено повлијателна во секоја смисла: културно, пред сè, но и економски и медиумски...

Наградата на НОВИТЕ за најдобар дебитантски прозен ракопис ќе се доделува секоја година, во месец декември.

Секоја година ќе биде награден еден ракопис кој ќе биде испечатен во самостојна книга во новата едиција “Катапулт”.

Услови на конкурсот: за наградата можат да конкурираат исклучиво дебитанти кои пишуваат на македонски јазик и кои претходно немаат објавено прозна книга.

Под проза пред сè ги подразбираме кусите или подолгите раскази и кратките романи, но како проза ќе ги третираме и специфичните жанровски експериментални форми.

Важно: ракописот не смее да биде подолг од 160 страници, т.е. 300.000 компјутерски карактери (фонт 12; 1,5 проред)

Ракописите можете да ни ги испраќате до 01. 12. 2006 година на следнава адреса:
културен центар Точка,
Климент Охридски 15,
Скопје;
или по електронски пат: templum@mt.net.mk (каде што можете да се информирате дополнително доколку нешто не ви е јасно во врска со конкурсов)

Наградата ќе биде доделена во новиот Културен центар Точка меѓу 20 и 25 декември.

<< назад