НОВИТЕ
конкурс за најдобра дебитантска проза

Би сакале да Ве известиме дека на конкурсот за дебитантска прозна книга на издавачката куќа Темплум, во потесниот круг за наградата се избрани шест ракописи: “Лукчето”, Габриела Стојаноска-Станоеска: “Врата”, Ди Ди Рок: “На свемирски пат”, Славчо Ковилоски: “Јас сум опасен”, Алекс Букарски: “Раскази” и Ана Стојаноска: “Јас и Лин, отпосле”. Жири комисијата за доделување на наградата ќе одржи уште два работни состаноци, по што ќе биде одлучен добитникот на наградата, која се состои од печатење на книгата и парична награда во износ од 1000 евра. Спонзор на наградата е Комерцијална Банка А. Д. Скопје.

Добитникот на наградата ќе биде објавен во среда, 27.12.2006 година на посебната прес-конференција што ќе се одржи во Културниот центар Точка.

Целта на наградата е да ги промовира и афирмира новите луѓе, новите тенденции во литературата, новите поетички начела, новиот пристап, новиот начин на организирање во сферата на литературата, новите обиди книжевноста да стане општествено повлијателна во секоја смисла: културно, пред сè, но и економски и медиумски...


<< назад