|
 |
Тие необично се снаоѓаат во занаетчиски и
индустриски работи. Еден ден, меѓу другите наши пронајдоци, им
го објаснував управувањето на брод со три катарки, што особено
ги интересираше. Грижливо и колку што можев подобро им ги
нацртав катарките и јарболите, јарболот за големата корпа,
јарболот за големиот папагал, јарболот за едрото, а потоа кога
поразговарав со најпасионираниот меѓу слушателите, сфатив дека
тој мислел дека едрата се растегнуваат со помош на револвер,
односно преку куршуми; ќе се испука, на пример, кон јарболот
на едрото, и тоа ќе се рашири.
Така тие ненамерно го мешаат чудото со науката.
Морав постојано да ги поправам: “Не, петелот нема врска со
возовите! Не! ритуалот на громот не ни е неопходен за да ги
запалиме нашите електрични ламби...” Но, тие во тоа и понатаму
се сомневаа и трагаа по тоа што би можел да им го сокријам. |
