Речници

АЗБУЧНИК НА НАЈНЕОБИЧНИТЕ АНТИЧКИ МИТОВИ

избор: Пандалф Вулкански

Со неверојатно истенчен нерв за литерарност, Вулкански прави онаков избор каков што еден класичен филолог не може да направи...

Античките митови се една од последните нарации ( дали Лиотар би се сложил?!) што опстојуваат во културната свест на човештвото, како каријатиди придржувајќи ја напукнатата плоча на идејата за една цивилизациска хомогеност и закономерност...

Со мошне поедноставен јазик ( во почетокот книгава била наменета за деца!), но и со ужасно моќната сила и длабочина на тие древни наративни матрици," Азбучникот на најнеобичните антички митови" е сосема особена книга, која добро би & дошла на било која културна средина, во овој случај, посебно на македонската која хронично страда од недостаток на ваков тип литература...Освен тоа, книгава е мало графичко ремек- дело; најновите достигнувања во компјутерската анимација ( морфинг) овде се

искористени на начин толку соодветен на самиот текст, што графичкиот дел на книгава заслужува апсолутно највисоки оценки!

( од рецензијата на Аббе Бузони)

ЦЕНА: 7 ДМ. ( формат 21 х 15 см., 64 стр.)

УНИВЕРЗАЛНО ОДЛЕПЕН РЕЧНИК НА МАКЕДОНСКИ ЗБОРОВИ - Пандалф Вулкански

( 5 книги, формат 15 см., 96 стр. книга 6: ИЗБОР - 96 стр.)

СО ЧИТАЊЕТО НА ОВОЈ РЕЧНИК ИГРАТА ДОПРВА ПОЧНУВА! БУК(В)ИТЕ ОД (З)БОРОВИТЕ СЕ ТРЕСАТ И КАКО НЕКОИ ЧУДНИ ПЛОДОВИ ПАЃААТ ВРЗ ГЛАВИТЕ!

РАСТУРАЈТЕ ГИ НЕШТАТА МИЛИТАРИСТИЧКИ ОПУШТЕНИ! БИДЕТЕ КРЕАТИВНО ДЕСТРУКТИВНИ И ОДГОВОРНО АНАРХИЧНИ!

" ПРИРАЧНИК ЗА ПЕЕЊЕ И ПЛАЧЕЊЕ", " ПОСТМОДЕРЕН БУКВАР", " ОДЛЕПЕНИ ПАЛИМПСЕСТИ", ПУЗЗЛЕ ЛИТЕРАТУРА, КАКО И ДА ГО НАРАЧЕТЕ РЕЧНИКОВ, ТУКА Е ДА ВЕ ЧЕПНЕ И МИНЕ КРАЈ ВАС КАКО МИСТЕРИОЗНА РАКА ПРЕД ВТРЕНЧЕН ПОГЛЕД...

АБЕЊЕ- Триење на две тела.

АВАНГАРДА- Гарда испратена на толчење?!

АКНЕ- Нека! Екна, барем.

БАРОК- Кораб од рабови. ( Барток велел:" Барем овој тонски ток да го фатиш..." А Бах се смеел!)

БЛУД- Луд уд.

БОА- Шарена обоа.

ВАДИ- Дави бубачки во бавчата!

ВАЛЈАК- Курт Валдхајм со волјак згазил еден пајак. "Јак си ти, Курт, и валчест, со таа смачкана чест!", рекол пајакот и умрел.

ВЕЃА- Лопе де Вега имал веѓа ко Ѓавол!

ВИСКОЗА- Планинска коза.

ВИСОЧЕСТВО- Виси често.

ВПИВА- 8 Пива!

ГРДЕЛИВ- Се размножува по огледала.

ДЕЛФИН- Фин дел од кит.

ДОХОД- ХО! ХО! ХО!

ЕКРАН- А на екранот: ексклузивниот експресивниот и екстравагантниот ( дозволувам, можеби и: експерименталниот - што значи и: експлозивниот!-, ексцентричниот, на моменти екстремен, дури можеби и предизвикувајќи ексцеси, но, сепак:): ЕКСТРА одлепениот македонски речник!!!

ЕЛЕМЕНТ- Слон!

ЖЕНА- Нешто меѓу желе и железо, меѓу нежно и жестоко.

ЗАПАЛКА- Органот се фаќа за палка од запалителни теми!

ЗУРЛА- Пишти ко слон!

ИЗБОР- Зборови.

ЈАБАНА- Земјата на Банана- мен?

КАЈМАК- Сленг за јак мак.

КАЛЕМ- С. Лем пишува за залемени, на калап направени луѓе? А Дерида за тој алем- камен што калем се вика!?

КАНИБАЛ- Не те кани на бал.

КИСЛОРОД- Мартин Лутер Кинг никако не го испуштал од синџир Хенри Кисинџер. "Немам кислород!", викал Кисинџер." Но, имаш кис од мене!", се зафркавал М. Л. Кинг. Кисинџер кисело се смеел.

КРЕКА- Од Галичник до Река се слуша жаба како крека.

ЛЕКСИКА- Лек си сака.

ЛЕТЕ- Лете сум пак, ете, како дете (В. Есен). Ако некој ми каже дека сум теле, ако. Подобро теле отколку леш.

ЛИ- Дејвид Лин му рекол на Брус Ли: "Си го гледал ли, Ли, "Дракула" со Кристифор Ли?" "Глуми лик што цица лимфа и после прави лимунада?", прашал Брус Ли. "А не; тој лик го игра Џек Лемон!", рекол Дејвид Лин.

ЛУЃЕ- ЉИ= Ѓуле.

МРЕЖА- Зарем со "Ж"?

НЕДЕЛНИК- Унитарист.

ОБРАТ- О, брат, види Пресврт!

ПАЈАК- Па, јак е...

ПАРОДИЈА- Па роди ја, ако можеш!

ПАРТИЈА- Пар: ти и ја?

ПАРТИТУРА- Оргија.

ПЕНЗИЈА- Зијан!

ПОИМ- "Непојмливо ми е тоа што правиш!", му рекол Б. Конески на П. Вулкански. "Треба да пичнам поинаку, или да се покајам?", рекол П. В.

РАСКИНЕ- "Ти раскинувам!", му рекла госпожа Сара на господин Рацин, додека овој мирно си читал некоја драма од Расин. "Раскол, значи?, рекол Рацин, џиткајќи го Расин. "Расклатена сум...",рекла емотивната Сара. "Раскомоти се, Сара, дојди да те раскопчам!", рекол Рацин. "Срцето ми е раскрвавено...", рекла Сара. "Раскрсти, драга моја, со оваа расквасеност и раскрили ги портите на својата раскош!, рекол поетски Рацин. Така Рацин успеал да ја расколеба Сара.

И уште многу други игри ( повеќе од 3000 обработени зборови!) во петте книги на овој несекојдневен речник!

ЦЕНА на комплет (1- 5): 13 ДМ

ЦЕНА на книга 6 ( ИЗБОР): 5 ДМ

ЦЕНА на една книга ( 1- 5): 3 ДМ